शिक्षक दिन (Teacher's Day)

    आज शिक्षक दिन आणि ज्या शिक्षकांनी आपल्याला घडवलं त्यांच्याबद्दल काही तरी लिहून कृतज्ञता व्यक्त करायला हवी ना!!

आज पर्यंत आपल्याला असंख्य शिक्षक भेटलेत म्हणजे अगदी बालपणापासून तर आज आपण ज्या ठिकाणी आहोत तिथपर्यंत खूप जणांनी आपल्याला मार्गदर्शन केलं आहे. सुरुवात शाळेतल्या शिक्षकांपासून झाली, आपल्या बालपणात जर आपल्या शाळेतल्या शिक्षकांनी आपल्याला संस्काराचे धडे दिले नसते तर आपला पाया मजबूत नसता झाला, म्हणजे अभ्यासाव्यतिरिक्त इतर कलागुणाना जर त्यांनी प्रोत्साहन नसतं दिलं तर आपल्यातले बरेचसे विध्यार्थी फक्त पुस्तकी ज्ञानामध्ये अडकून राहिले असते, आणि पुस्तकी ज्ञान सगळ्यांनाच असते फक्त ते प्रत्येकाच्या मेंदूच्या क्षमतेनुसार त्यांना कळते म्हणून कोणी वर्गात पहिला येतो तर कोणी दुसरा येतो. पण शाळेमधली वक्तृत्व स्पर्धा असो कींवा मैदानी खेळ असो हेच शिक्षक आपल्याला त्यामध्ये भाग घ्यायला सांगतात ह्यामागचा त्यांचा उद्देश फक्त आपण अनुभव घेणे एवढाच असतो, माझा वयक्तिक मत असं आहे की आज त्या शिक्षकांनी आपल्याला तो अनुभव नसता दिला तर आपण आयुष्यात कधीच व्यासपीठावर उभे नसतो राहिलो मग तो interview असो, स्पर्धा परीक्षा असो किंवा आयुष्यातला कठीण प्रसंग असो आपला पाया मजबूत असतो म्हणून आपण धैर्याने त्या प्रसंगांना सामोरे जातो. बऱ्याच वेळेला आपल्याला काही लोकांपासून चुकीचं पण शिकायला मिळते मी तर त्या व्यक्तीला पण आज शिक्षक दिनाच्या शुभेच्छा देईन कारण त्या व्यक्तीमुळे मला बरोबर आणि चूक ह्याचा अर्थ कळाला, आणि जो पर्यंत चूक कळत नाही तो पर्यंत आपण जमिनीवर येत नाही. विचार करून बघा चूक समजल्यावर तुम्ही हवेत असता कि जमिनीवर येता ते

आपल्या आज पर्यंतच्या आयुष्यात खूप लोकांनी आपल्याला मार्गदर्शन केलं आहे आणि आपल्या प्रगतीच्या वाटचालीत ते सहभागी झाले आहेत मग त्यात सगळे आले अगदी मित्र मैत्रीण, ऑफिसमधले सहकारी, दैनंदिन प्रवासात भेटलेली व्यक्ती हे सगळे काही ना काही शिकवून जातात. ह्याच बरोबर आपले कुटुंब ज्यांनी आपल्याला संस्कार शिकवलेत, आपला हात पकडून आपल्याला चांगला मार्ग दाखवला आणि आपल्या त्या प्रवासात भाग देखील घेतला अशा ह्या कुटुंबाला आपण आपल्या आयुष्यातला पहिला शिक्षक म्हणून नमन करूयात .

मी माझ्या आयुष्यात आलेली प्रत्येक व्यक्ती जिने मला चांगलं वाईट शिकवलंय त्या प्रत्येक व्यक्तीला शिक्षक दिनाच्या हार्दिक शुभेच्छा देतो

तुम्ही सर्व माझ्यासाठी एक शिक्षकच आहात जे मला काही ना काही नवीन रोज शिकवतात त्यामुळे तुम्हा सर्वांना पण शिक्षक दिनाच्या हार्दिक शुभेच्छा

आणि मित्रांनो आपल्या जवळच्या प्रत्येक व्यक्तीला आपण शिक्षक म्हणजे काय ह्याचा अर्थ समजावयला पाहिजे कारण जर त्यांना हा अर्थ कळाला तर समाजात चालेल्या चुकीच्या गोष्टी फार लवकर कमी होतील हे माझा वैयक्तिक मत आहे.

-स्वप्निल पातकर (05/09/2020)